FAQs
Hemen aurkituko duzu galdera ohikoenen erantzuna
Orri honetan tourrei, Bizikleta Elektrikoei eta alokairuari buruz urte guzti hauetan egin dizkiguzuen galderarik ohikoenak aurkituko dituzu. Zalantzarik baduzu eta erantzunik aurkitzen ez baduzu, gure taldearekin harremanetan jartzera animatzen zaitugu, gustura lagunduko dizugu!
Galdera orokorrak
Zein da bisiten topagunea?
Gure bisita gidatu guztiak Sarriegi 9 enparantzatik abiatuko dira, Boulevard zumardiko atzekaldean. Turismo bulegoa eta Bretxa azokaren ondoan.
Non dago Boulevard zumardia?
Alde Zaharreko eta Erdialdeko auzoak banatzen dituen etorbidea da, udaletxean hasten da eta Bretxako merkatuan amaitzen da. Garraio publikoan bazatoz, hiriko autobus linea askok bertan dute geltokia, ez zaizu aurkitzeko zaila izango, eta zure auto pribatuan etortzekotan, hemen aurkituko duzu hiriko aparkalekuetako bat ere.
Aparkalekuaz hitz egiten, non aparkatu dezaket autoa?
Donostia ez da oso hiri erosoa autoentzat; horregatik, guk beti gomendatuko dizugu garraio publikoa erabiltzea edo oinez edo bizikletaz mugitzea. Baina zure autoa erabiltzea beste aukerarik ez baduzu, kontuan izan hiriko erdigune osoan aparkatzea ordainpekoa dela (TAO zerbitzua), parkimetroan edo app baten bidez ordain daitekeena. Hiriak aparkaleku pribatu asko ere eskaintzen ditu zure autoa eroso aparkatzeko, hemen erdigunekoenak aurki ditzakezu.
Tourrei buruz
Bisitetan lekua erreserbatu behar dut?
Ez da derrigorrezkoa, baina gure bisita guztiek leku kopuru mugatua dute. Beraz, bisita ez baduzu galdu nahi, mesedez, ikusi gure webgunea eta erreserbatu lekua.
Bisita bakoitzeko toki kopuru mugatua dago?
Gure bisita guztiek toki kopuru mugatua dute, guztiak arrazoi desberdinengatik, hirian eraginik ez eragiteko, dauzkagun bizikleta kopurua, etab. Egiaztatu bisita bakoitzeko argibideak.
Bisitak aldez aurretik erreserbatu al daitezke?
Bai, gure bisitak webgune honen bidez erreserbatu daitezke. Sartu egin nahi duzun bisitan eta erreserbatu toki bat bizi nahi duzun esperientziarako!
Aldez aurretik erreserbatzea derrigorrezkoa al da?
Bai, gure bisitaren batean lekua eskuragarri duzula ziurtatu nahi baduzu.
Bisita eta erreserba bakoitzeko pertsona kopuru mugatua dago?
Free Walking Tour bisitaren kasuan soilik.
Zergatik gehienez 6 lagunentzako erreserbak Free Walking Tour bisitaren kasuan?
Go Localen ustez, Donostia ez da hiri handia, eta talde oso ugariek gure ingurunea desitxuratzen dute eta lbertakoen ongizatea eteten dute.
Baina ez da hori arrazoi bakarra; izan ere, gure esperientziatik badakigu talde handienen erreserbek gidariaren arreta monopolizatzen dutela gainerako taldearekiko, eta zerbitzuaren kalitateak behera egiten duela bisitarekin bat egin duten gainerako pertsonekiko. Era berean, zerbitzu mota hori talde txikientzat dela uste dugu, bestela ezin izango bailukete tour pribatu batera sartu.
Talde handiago bateko kidea zara eta ez duzu gure bisitetako batean parte hartzeko aukera galdu nahi? Esaiguzu eta guk beti emango dizugu irtenbide egoki bat zuretzat eta zure taldearentzat!
Ez dut jakinarazpenik jaso
Ez kezkatu, horrek ez du esan nahi plazarik ez duzunik edo bisita ez denik egingo. Bisita egin baino 7-10 egun lehenago eman diguzun helbide elektronikora iritsiko zaizu erreserbaren baieztapena.
Zein ordutan egon behar duzu topalekuan?
Ordu-orduan hastea gustatzen zaigu, eta, beraz, beti da hobe 10 minutu inguru etortzea tourra hasteko ordua baino lehen. Horrela hobeto artatuko zaitugu eta ez diogu inori itxaroten egingo, azken finean, oporraldia urrea da!
Zein egunetan daude bisitak?
Bisitak ia egunero eskaintzen ditugu, kontsultatu gure bisitak.
Bisitak bertan behera uzten al dira euria edo eguraldia txarra dela eta?
Ez, bisitak euria, elurra edo ekaitza ari bada ere egiten dira. Gidaria ziurtatuko da bisitaz gozatu dezazun eguraldia edozein dela ere. Ikusi hemen eguraldia.
Zenbat denbora irauten dute bisitak?
Eskaintzen dugun bisita bakoitza berezia da, hori dela eta iraupen zehatza du bakoitzak. Kontsultatu gure bisitak.
Egunean bi bisita egin ditzazket?
Bai noski, batzuk horretarako pentsatuta daude. Begiratu gure egutegia eta erreserbatu gehien interesatzen zaizunak!
Zer arropa / oinetako eraman beharko nituzke?
Arropa meteorologiaren eta kontratatutako bisita motaren araberakoa izan behar da. Donostian euria egiten du, batez ere neguan. Euria egiten badu, beroki iragazgaitza eta euritakoa eramatea gomendatzen da. Hobe da ibiltzeko oinetako egokiak edo zapata erosoa erabiltzea. Tour bakoitzak bere gomendioak ditu, bisita bat erabakitzerakoan horiek berrikustera eta artatzera gonbidatzen zaitugu.
Mugikortasunari buruz
Gurpil-aulki batean nago edo mugikortasun murriztua dut, parte hartu al dezaket zuen bisitetan?
Noski! Gure bisita asko egokituta daude, eta gidariek kontuan har dezaten aldez aurretik abisatzearekin nahikoa da
Aizu! Baina gurpildun aulki egokitua daukat, bizikleta-bisita egin dezaket?
Noski! Gurpildun aulki egokitua baduzu eta kirola praktikatzea gustatzen bazaizu, aldez aurretik abisatu besterik ez duzu egin behar kontuan hartzeko, eta Donostia deskubritzera!
Garraio publikoa erabiltzen al da bisitetan?
Txango batzuetan bakarrik beharrezkoa izango da. Bisitak hala eskatzen badu, bisita bakoitzaren gomendioen atalean ageriko da.
Hizkuntza eta ordainketei buruz
Alergia edo intolerantzia dut janari bat edo gehiagora, pintxoen bisita egin al dezaket?
Noski! Aldez aurretik jakinarazi besterik ez diguzu egin behar, Donostiako gastronomiaz eta bertako pintxo gozoez oztoporik gabe goza dezazun.
Zein hizkuntzatan eskaintzen dituzue bisitak?
Bisitak gaztelaniaz, euskaraz, ingelesez eta frantsesez eskaintzen ditugu, talde ezberdinetan.
Bisita pertsonalizatuak kontratatu al ditzazket?
Noski! Gurekin harremanetan jarri besterik ez duzu egin behar, eta elkarrekin egingo dugu zure bisita esperientzia ahaztezina eta % 100 zure beharretara egokitua
Zenbat balio dute bisita ezberdinek?
Bisita gidatu bakoitzak prezio bat du, Free Walking Tourrako boluntariotik hasita, adibidez, bizikleta elektrikoko bisitak balio dituen 56 eurora arte.